李：王教授你好！有讀者咁問我讀統計有咩出路，你有咩建議？
王：David Sir你好呀！選擇就多喇，統計學知識係各行各業都大派用場，畢業生就業出路甚廣。佢地可投身商業、保險業、銀行與金融業、資訊科技業，以至政府與專業服務界別。職位包括統計師、數據分析師、數據科學家、金融分析師、風險管理師、程式交易員、大數據軟件工程師，統計程式編製員和教師等。
李：嘩，全部都係專業職位，讀統計真係有前途喎。咁中大統計學系畢業生任職行業嘅分布又係點呢？
王：我地嘅畢業生大多投身銀行與金融業、保險業，以及與統計、數據分析有關嘅行業，亦有不少畢業生選擇攻讀統計碩士或博士學位，在學術界發展。我地嘅畢業生唔只係香港搵到合適工作，亦有很多在世界各地從事前沿嘅工作，例如，美國的世界銀行經濟師、華爾街的金融分析師等等。有D畢業生仲利用大數據技術優勢加入網上廣告和營銷行列。
李：又世銀又華爾街真係唔簡單
李：你地有咩方法幫學生確立事業發展方向？增強搵工嘅競爭能力呢？
王：我地會定期舉辦與就業策劃及職業發展相關的工作坊，幫助學生為求職和面試做準備。另外，亦會邀請校友舉行講座，分享工作經驗及行內發展前景。同時，課程涵蓋業界常用於統計分析及資料探勘的程式語言，以增強學生求職就業的競爭能力。除了努力為同學尋找實習機會外，我們還有一些面試和履歷工作坊加強同學的職場競爭力。
李：有全方位嘅支援，加上同學又咁Smart，想搵好工難佢地唔度啦。
王：我地對同學嘅競爭能力確實好有信心
李：近年大數據嘅應用愈來愈廣，你怎樣看本港未來對統計人才嘅需求？邉D行業最需要佢地呢？
王：在現今大數據時代，各行各業爭相招聘數據科學家，特別是金融、航運、零售，以至電子商貿等行業均對相關人才需求殷切。由於不少商業決策都需要分析數據，因此對於數據分析人才的需求只會持續增長。
李：咁即係長做長有啦，除了係香港做野，到大灣區，甚至海外又有冇發展機遇呢？
王：咁多年黎，我地畢業生嘅在本地、大灣區及海外都有發展事業或深造學習。以金融業為例，他們足跡遍布英美歐洲，在投資銀行、保險業、金融業大放異彩。亦不乏畢業生到世界知名大學深造及擔任教職，例如哈佛大學、耶魯大學等。
李：明白晒，聽完王教授講解，相信對統計學有興趣嘅同學都清楚依個學科嘅前景又幾好，多謝你嘅分享。