主持人在看手機股票軟件，喃喃自語。
「哎吔今次又放早左，白白賺少兩個價位，依隻又唔生性買貴咁多…..」
陳：David Sir做咩唉聲嘆氣呀？
李：之唔係煩股票囉，聽埋果D所謂投資專家嘅「獨門貼士」，真係一殼眼淚呀….
陳：信專家不如信統計學啦….
李：買股票又關統計學的事？
陳：梗係緊事啦，等我慢慢解釋比你知….
李：陳博士統計學其實係一門咩學科？頭先你話買股票都關統計學事，究竟佢同我們日常生活點樣息息相關？
陳：有數據就有統計。統計學是係聯繫「數據」同「科學」嘅專業。但數據存在變數，或有缺失，表達嘅形式亦各異。由傳統嘅數字到圖像至影片，甚至社交媒體用戶一舉一動所產生嘅大數據，都可藉統計學解釋。我們會建構統計模型，以理解數據背後嘅科學原理。例如統計學會研究省時省力但又同樣精準嘅數據收集方法，對新研藥物作因果分析其有效程度，亦會利用電腦模擬預測天氣、金融走勢、流行病發展。
統計學已深入生活中每個環節，財富與健康都是大家重視嘅議題。先談財富，香港係國際金融中心，各個金融機構以至個別投資者都會利用歷史數據分析出最佳投資組合、進行風險管理、預測股票市場結構性的轉變等。撇離銅臭，再談健康，生物統計可發展出精準醫學(precision medicine)、移動醫療(mobile health)，機器學習亦幫助斷症，例如預測癌症等。
統計學仲係一門數據的「語言」。他提取了數據裏面潛藏的精髓，適當地混合日常用語言，我們便能清楚解釋一些現象或加強我們的理據。所以學好統計學，也能讓我們洞察及識破利用數據的「語言藝術」。
李：原來統計學咁有用，真系唔講唔知。
李：咁讀統計學係咪學埋D又難又深嘅數學嫁？你地嘅學生又會讀D咩呢？
陳：統計學有別於數學，統計學利用數學簡潔表達數據嘅運作模式，但我地更著重將冷冰冰嘅數字，賦予它們實實在在的意義。例如中大老師們會教授如何理解統計結果的，再用淺白、生動、大眾化嘅方法表示，希望將大數據呈現於合適的表格、圖像、影像上。
我地嘅課程既有歷久常新的經典科目，例如生存分析(survival analysis)、因果分析(causal inference)、迴歸分析(regression analysis)；亦會與時並進開創有趣科目及引入最新穎的學界研究成果。我地有一科叫數據科學工具包就好似統計學「懶人包」，撇開理論直接介紹最新的統計軟件包去做真實的分析，試想想就好像在手機Apps Store下載一個合適的軟件作某一項工作。另有一科教授深度學習(Deep learning)，老師整理出最新嘅方法應用係商業世界，包括各種多層人工神經網絡(multilayer artificial neural networks)，如卷積神經網絡(Convolutional Neural Network)、強化學習(reinforcement learning)等。
我們的課程也包括了一些工作坊，訓練同學的說話和寫作技巧、利用統計數據加強自己的論點和邏輯思維。
李：咁多野學，課程真係好充實。
陳：點止呀，我地嘅課程提供許多應用實踐嘅機會。例如，學生需要完成三個專題研習課，分別為「數據探索及技術寫作工作坊」、「數據分析及統計運算工作坊」和「統計習作」。
「數據探索及技術寫作」目的係訓練學生從看似雜亂無章嘅數字中，搵出具意義嘅訊息，透過文字或圖表去解釋，讓一般人也能明白箇中含意。
「數據分析及統計運算工作坊」訓練學生將統計學知識應用於各行各業嘅數據分析中，如分析金融投資市場價格嘅變動或人口普查嘅統計方面。
「統計習作」比學生自由挑選感興趣嘅課題做研究，綜合運用從課堂學會的各種統計學知識。
在商業實踐方面，我地學系提供實時嘅金融數據系統，等同學可以利用數據實踐分析和模擬投資決定。另外，我地又配置了超級電腦和顯示咭計算系統等，給同學使用，讓佢地實踐大數據分析和人工智能統計方面的實時運算。
此外，學生如對學術研究感興趣，可在系內學者指導下參與研究項目，學習相關知識及技能。有D項目仲會同醫學院、生命科學院，以致和工商界合作等。
李：又有野學仲有得實踐，學生一定能夠融會貫通啦。
李：除了課堂學習，你地會唔會安排學生參加工作實習、交流及企業考察活動？
陳：我地會安排學生係三年級暑假實習，實習機構包括政府統計處、傳媒集團、中大臨牀研究及生物統計中心。全部實習均由教授指導，務求學生能學以致用。
另外，我地新增左一個著重職業發展嘅科目 - 「行業實習」。依科將校園所學同業界結合，學生在學系老師和公司員工共同指導下，以兼任形式完成由一間公司或機構委派嘅項目，增進統計知識之餘，亦可充實相關工作經驗。
為擴闊學生的視野，我地與浙江大學、華東師範大學及中山大學合辦交流計劃，資助學生到上述大學交流。
我地每年都會安排同學到政府統計處、醫學院和其他商業機構實習。每年也有不少學生到海外作交流活動。最近我地仲同英國愛丁堡大學，設立了雙學位課程，務求加強同學嘅國際視野。
李：聽完你嘅介紹，搞到我都好有興趣。係咪一定要數學成績好好先讀得你地嘅課程嫁？
陳：統計學課程是透過理學院的「理學」大類收生計劃錄取學生。學生可於入學時、第一或第二學年終申報主修統計學課程。學生如欲於入學時申報主修統計學課程，須在中學文憑試的數學科或數學科單元1或單元2取得第 5 級或以上成績。
除了統計學理學士課程外，我地仲有「風險管理科學理學士」、「計量金融學及風險管理科學理學士」和「計算數據科學理學士」課程，讓學生透過大學聯招報讀；其中「計量金融學及風險管理科學理學士」是與中大金融學系合辦，「計算數據科學理學士」則是與中大計算機科學系合。咁多選擇保證可滿足學生的興趣和需要。
李：咁多課程選擇應該可以滿足到學生不同嘅興趣和需要，今日多謝陳博士嘅分享。